Þjónusta

Ef ökutæki þarfnast þjónustu í tengslum við bíl í rekstrarleigu, skal hafa samband við þjónustuver Öskju í síma 590-2130 eða í gegnum askja@askja.is. Í sameiningu finnum við tíma þegar þér hentar og þú færð annan bíl á meðan við þjónustum ökutækið.

Ef svo óheppilega vill til að ökutæki í rekstrarleigu lendi í tjóni þarf að fylla út tjónaskýrslu eða tilkynna tjónið á tm.is. Við mælum svo með því að hafa samband við þjónustuver Öskju til þess að ákveða næstu skref og til hvaða réttingarverkstæðis skal leita.

Dekkjahöllin staðsett í Skútuvogi 12 sér um alla dekkjaþjónustu. Líka ef skipta þarf um ónýt dekk. Ef meta þarf ástand á hjólbörðum er það gert hjá Dekkjahöllinni eða í þjónustuskoðunum. Þú þarft ekki að panta tíma hjá Dekkjahöllinni, bara að mæta.

Mikilvægt er að tilkynna við komu að ökutækið sé í rekstrarleigu á vegum Hentar. Dekk og umfelganir eru innifalin í leigunni. En ef svo óheppilega vill til að dekk skemmist, þá er varadekk eða dæla og kvoða í skottinu. Ef ökutæki er stopp er heppilegast að láta draga bílinn á hjólbarðaverkstæði Dekkjahallarinnar. Slíkur dráttur og ný dekk greiðist af leigutaka en skemmdir á dekki vegna utanaðkomandi þátta eru á ábyrgð leigutaka.

Í neyðartilfellum utan opnunartíma skal hafa samband við neyðarsíma Mercedes-Benz og smart í síma 664-2130. Fyrir Honda og Kia skal hafa samband í síma 800-9000. Við útvegum lánsbíll ef ökutækið er stop eins fljótt og hægt er.